Аввалроқ, Туркияда янги Togg T10X электромобили ишлаб чиқарилгани ва унинг биринчи эгаси Туркия президенти Ражаб Тоййиб Эрдўғон бўлгани ҳақида хабар берган эдик.
Эрдўғон мамлакатда ишлаб чиқарилаётган электромобиллардан бирини Мирзиёевга совға қилиши ҳақида гапирганди.
«Zamon.uz»нинг ёзишича, Туркия президенти ушбу совғани Мирзиёевга юборганини маълум қилган.
“Togg аллақачон мамлакат йўлларида. Улардан бири менинг биродарим, Озарбайжон президенти Илҳом Алиевга берилди. Шундай машиналардан бирини бошқа биродарим Ўзбекистон президенти Шавкат Мирзиёевга жўнатяпмиз”, — деган у.
Эрдўғон йил давомида шундай машиналардан 20 минг дона ишлаб чиқариш режалаштирилганини қўшимча қилди.
Эслатиб ўтамиз, куни кеча Туркия Президентининг совғасини Озарбайжон Президенти Илҳом Алиев қабул қилиб олганди.
