Термиз давлат университетида профессор-ўқитувчилар ва талабалар ҳамда ишчи-ходимлар учун 103 тиббий хизмати йўлга қўйилди. Унда турли касалликларни даволовчи малакали шифокорлар бепул хизмат кўрсатишади. Университет ҳудудида тиббий хизматга ихтисослашган хоналар ажратилиб биринчи ёрдам ва даволаш, стоматология фаолияти йўлга қўйилди. Тез кунларда фаолият тури кенгайиб, 24 соатлик тиббий хизмат жорий этилади. Айни вақтда талабалар орасида оммавий тиббий кўрик ўтказилмоқда. Ушбу жараёнга вилоятдаги малакали шифокорлар жалб этилган.