Европа Комиссияси раиси Урсула фон дер Ляйен ЕИ раҳбарлигига қайта сайланмаса, НАТО Бош котиби лавозимига сайланиш учун ариза беради. Бу ҳақда Италиянинг “la Repubblica” газетаси маълум қилди.
Нашрнинг ёзишича, бу жараёнга тайёргарлик бир неча ҳафта олдин бошланган.
7 мартдан фон дер Ляйеннинг Канада ва АҚШга сафари мўлжалланган. Шу воқеа унинг номзоди НАТО етакчилигига кўрсатилиши мумкинлигидан дарак беради, деб ёзди газета.
Шимолий Анлантика альянсининг июль ойида Вильнюсда бўлиб ўтадиган саммитида мутасаддилар Йенс Столтенбергнинг сентябрда тугайдиган ваколати муддатини бир йилга узайтиришга ҳаракат қилади, дея тахмин қилган “la Repubblica”. Фон дер Ляйеннинг ваколати 2024 йилда тугайди.
Нашрга кўра, унинг номзоди “америкаликлар учун идеал ечим”. Зеро, ҳалигача муқобил номзодлар орасида маъқули кўрсатилмаган.
