Россиялик аралаш жангчи, энгил вазн тоифасида амалдаги УФC чемпиони Ислом Махачев ММА бўйича ўзининг севимли жангчиси номини айтди.
«Менинг севимли жангчим – Френки Эдгар. У жуда кўп кучли йигитларни мағлуб этган. Эдгар ҳар доим кичик бўлган ва катта йигитларни мағлуб этган, – деди Махачев Савфан Ахмедмиа билан суҳбатда.
Френки Эдгар 2010-йилда БЖ Пенн устидан бир овоздан қарор қабул қилиб, енгил вазнда УФC чемпиони бўлганди, шундан сўнг у учта муваффақиятли чемпионлик ҳимоясини ўтказган.
Ўтган йилнинг ноябр ойида 41 ёшли Эдгар Крис Гутересга нокаут эвазига мағлуб бўлгач, ММАдаги фаолиятини якунлаганини эълон қилди. Ислом Махачев ўтган йилнинг октябр ойида Чарлз Оливейра устидан ғалаба қозониб, енгил вазн тоифасида янги УФC чемпионига айланди. 12-февралга ўтар кечаси Махачев ўзининг биринчи чемпионлик ҳимоясини Алекс Волкановски билан дуелда ўтказади.
