“Ваз-2107″ ва Lacetti ўзаро тўқнашиши натижасида “Ваз-2107″да ёнғин келиб чиққан. 2 киши шифохонага олиб кетилган.
Наманган вилояти ИИБ Матбуот хизматининг хабарига кўра, жорий йилнинг 27 август куни соат 03:45 ларда 4Р-112 «Фарғона ҳалқа йўли» автомобиль йўлининг 51-километрида Lacetti’ни «Наманган-Чуст» йўналишида бошқариб кетаётган ҳайдовчи қарама-қарши йўналишга ўтиб кетиб, «Ваз-2107» русумли транспорт воситаси билан тўқнашган.
Тўқнашув натижасида, “Ваз-2107″ автомашинасида ёнғин содир бўлган. Вилоят ИИБ ходимининг UzNews.uz’га маълум қилишича, “Ваз-2107″да бўлган 3 нафар фуқаро воқеа жойида вафот этган. Lacetti’да бўлган 2 киши шифохонага ётқизилган.Ҳозирда ҳолат юзасидан терговга қадар суриштирув ҳаракатлари олиб борилмоқда.
