Товар моддий бойликларнинг божхона чегаралари орқали ноқонуний ҳаракатига қарши божхона органлари томонидан тизимли кураш олиб борилмоқда.
ЖамиятТанлашРўйхатдан ўтингЧоп этиш11:58 / 02.08.2022Шунга қарамасдан, давлат бюджетига ундириладиган божхона тўловларидан қочиш мақсадида, айрим шахслар томонидан белгиланган қонунчилик талабларига зид равишда товар моддий бойликларни олиб ўтишга уриниш ҳолатлари учрамоқда.
Қорақалпоғистонлик божхоначилар томонидан фош этилган навбатдаги ҳолатда, қиймати 156 минг сўмга тенг бўлган тиббий буюмларнинг мамлакатимиз ҳудудига ноқонуний тарзда олиб кирилишининг олди олинди.
Жорий йил 28 июль куни “Довут-ота” чегара божхона пости орқали Қозоғистон Республикасидан фуқаро М.С. бошқарувида кириб келган “Мерседес-Бенц” русумли автотранспорт воситаси божхона кўригидан ўтказилганида, ҳужжатларда кўрсатилмаган, оғзаки сўровда айтилмаган 79 турдаги жами 2423 дона “Жарроҳлик тиббиёт тўплами” товарлари борлиги аниқланди.
Мазкур ҳолат юзасидан божхона органлари томонидан терговга қадар суриштирув ҳаракатлари олиб борилмоқда.
