ЖамиятТанлашРўйхатдан ўтингЧоп этиш16:00 / 25.07.2022
Бухорода қўшнисининг машинасини ёқиб юборган шахс 2 йил муддатга қамалди.
Бу ҳақида вилоят Ички ишлар бошқармаси Ахборот хизмати маълум қилди.
Ғиждувон туманида яшовчи фуқаро А.Р. маҳалладоши, кабутар боқувчи фуқаро Ф.Б. га уйида кабутар сақлашга қизиқиши ортаётганини айтиб, ундан 13 дона кабутар келтириб беришини сўрайди. Натижада кўп ўтмай олиб келинган кабутарларнинг икки донаси йўқолади. Фуқаро А.Р. эса қўшнисидан йўқолган кабутарларни топиб беришини талаб қилади. Шунда қўшниси кабутар учиб кетган бўлиши мумкинлиги, эвазига бир дона ўзининг кабутарини беришини ва иккинчи кабутар учиб қайтиб келмаса, кейинроқ яна бир дона кабутар беришини айтади.
Бироқ жаҳли чиққан фуқаро А.Р. ўзига аввалдан таниш бўлган, уйида бензин сотувчи фуқаро А. исмли танишининг олдига бориб, у билан спиртли ичимлик ичади. Натижада кечки пайт уйига қайтгунча танишидан бензин олиб, кабутар сотувчи қўшниси Ф.Б.нинг ҳовлиси олдида турган Лаcеттига бензин сепиб, ёқиб юборади. Воқеа жойидан қочиб кетади.
Дастлабки тергов-суриштирув ишлари давомида фуқаро А.Р.нинг жабрланувчига 86 миллион 397 минг 465 сўмлик моддий зарар етказгани аниқланиб, тегишли тартибда жарима белгиланган.
Унга нисбатан Ўзбекистон Республикаси Жиноят кодексининг 173-моддаси 2-қисми қўлланилиб, 2 йил 6 ой муддатга озодликдан маҳрум қилиш жазоси тайинланди.
