Фуқароларимиз мурожаатларини кўриб чиқиш, уларнинг ҳуқуқ ва манфаатларини таъминлаш Мажбурий ижро бюроси органлари олдидаги муҳим вазифалардан биридир!
Аҳоли мурожаатларини қабул қилишда янада қулайлик ва шаффофлик яратиш, муаммоларини тезкорликда ҳал этиш мақсадида, мурожаатлар “Online-video” тизими орқали ҳам қабул қилинади.
Эндиликда, фуқароларимиз ҳар ҳафтанинг шанба куни соат 10-30 дан ўзларига яқин бўлган Бюронинг ҳудудий бошқарма ва туман-шаҳар бўлимларида ташкил этилган “Online-video” тизими орқали:
- ижро ҳужжати бўйича бошқа ҳудудларда жойлашган қарздор(жавобгар), ундирувчи ва бошқа шахслар билан мулоқот олиб бориши;
- фуқароларимизнинг Бюро марказий маҳкама раҳбарияти, масъул ходимлари билан тўғридан-тўғри боғланиши;
- ижро ҳужжатига масъул ходимлардан изоҳ олиши
- коррупция, суиистеъмолчиликлар ва бошқа қонунбузилишлар тўғрисида мурожаатларни йўллаши учун янги имконият яратилди.
“Online-video” тизимида мурожаат қабул қилишни рад этган ходимлар ҳақида (71) 207-11-59, 207-11-74 рақамли ишонч телефонига хабар қолдиришингиз мумкин!
