15-феврал куни Рио-де-Жанейро яқинида жойлашган Петрополис шаҳрида кучли ёғингарчилик натижасида юзага келган сув тошқинлари оқибатида камида олти киши ҳалок бўлди. Бу ҳақда минтақавий ривожланиш вазири Рожерио Маринё Тwиттер ижтимоий тармоғидаги саҳифасида маълум қилди.

“Биз Петрополисдаги олти нафар фуқаро ҳалок бўлганидан афсусдамиз. Шаҳар кучли ёғингарчилик таъсиридан жабр кўрди: сўнгги тўрт соат ичида 200 мм дан ортиқ сув кўтарилган, бу эса дарёларнинг қирғоқларидан тошиб кетишига сабаб бўлди. 52 та жойда кўчкилар содир бўлган”, деб ёзган вазир.