Рейтер агентлигининг хабар беришича, “Толибон” ҳаракати вакили Воҳидулла Ҳошимий Афғонистонда демократия бўлмаслиги, мамлакат шариат қонунларига мувофиқ бошқарилиши ҳақида баёнот берган.
«Мамлакатда демократик тизим бўлмайди, албатта, чунки мазкур тизимнинг мамлакатимизга ҳеч қандай алоқаси йўқ… Биз Афғонистонда қандай сиёсий тизим қўлланиши керак, деган масалани муҳокама қилмаймиз, чунки бунинг жавоби олдиндан маълум. Бу шариат қонунлари, албатта», – дейди Ҳошимий.
