Хитойнинг Xiaomi компанияси июнь ойида биринчи марта смартфонлар сотиш бўйича дунёда биринчи ўринни эгаллади. Бу ҳақда Counterpoint тадқиқот компанияси хабар берди.

Xiaomi смартфонлари савдоси ўтган ойга нисбатан 26% га ошди. Натижада компаниянинг глобал сотувдаги улуши 17,1% ни ташкил этди. Иккинчи ўринни 15,7%улуш билан Жанубий Кореянинг Samsung компанияси эгаллади, учинчи ўринни 14,3%билан Apple эгаллади.

Xiaomi Хитой, Европа ва Африкада, шунингдек Яқин Шарқда – Huawei ва Honor учун анъанавий муҳим бозорларда ўз иштирокини кенгайтирди.

«Ветнамда коронавируснинг янги тўлқини июнь ойида Samsung ишлаб чиқаришига зарба берди, бу эса компаниянинг қурилмалари етишмаслигига олиб келди“,- деди Counterpoint катта таҳлилчиси Варун Мишра.

Агарда Samsung ишлаб чиқаришни қайта тикласа, Xiaomi биринчи ўринда қолмаслиги мумкин, деб ёзади компания.