Германиянинг Хайкендорф шаҳрида яшовчи нафақахўрнинг уйидан “Пантера” танки, шунингдек, Иккинчи жаҳон уруши даврига тегишли зенит қуроли, торпеда ва ўқ-дорилар топилгани тўғрисида хабар берилганди. Esquire`нинг ёзишича, 84 ёшли эркак 250 минг евро жаримага тортилган.

Кил шаҳри округ суди 84 ёшли эркакка нисбатан 14 ойга шартли озодликдан маҳрум этиш ҳамда 250 минг евро жарима жазосини тайинлади. Суд, шунингдек, айбланувчининг зиммасига 45 тоннали танк ҳамда зенит қуролини икки йил ичида музей ёки коллеционерга сотиш ёки совға қилиш мажбуриятини юклаган.

Aйбланувчи адвокатининг сўзларига кўра, Aмерикадаги музейлардан бири нафақахўрнинг танкини сотиб олишга қизиқиш билдирган. Aмерикалик тарихчиларнинг таъкидлашича, бу Германия томонидан Иккинчи жаҳон урушида фойдаланилган энг самарали жанговар машина ҳисобланади.

Нафақахўрнинг уйидаги тинтув санъат асарини ўғирлашда гумонлангани сабаб ўтказилган. Бироқ натижада қуроллар топилган, ертўлада эса ҳақиқий танк — “Пантера” жойлашган. Германия ҳарбийларининг ўлчовлари бўйича бу каби танк ўртача ҳисобланади, совет ҳужжатларида эса модел оғир синфга киритилади.