Ўзбекистон олтин-валюта захираларининг расмий қолдиғи 1 июнь ҳолатига 35,5 млрд.долларга етган. Бу маълумотлар ошкор қилина бошлаган 2017 йилдан буён энг катта кўрсаткичдир.
Bakiroo каналининг ёзишича, захираларнинг ошишига унинг таркибидаги олтин қиймати ошиши ва валютадаги активларнинг ҳам кўпайиши асосий омил бўлган. Май ойида олтин котировкалари 8%дан зиёдга қимматлаган.
«Эътиборлиси, захираларимиздаги олтиннинг соф ҳажми 11,7 млн. унциядан 11,3 млн унциягача қисқарган. Бу май ойида олтин сотиш учун қулай конъюнктура шаклланганидан фойдаланиб, камида 400 минг унция ёки 12,4 тонна атрофида олтин сотилган бўлиши мумкин деганидир. Қийматда бу 750-770 млн доллар атрофида бўлади», деб ёзади муаллиф.
