Сурхондарёга келтирилган 3000 доза “Спутник V” (“Гам-КОВИД-вак”) вакцинасининг биринчи компоненти билан Республика махсус коммисиясининг тегишли кўрсатмасига биноан вилоятдаги 65 ёшдан юқори бўлган шахслар ва тиббиёт ходимларининг эмланиши режалаштирилган.
-18 даража ҳароратда сақланиши лозим бўлган “Спутник V” билан фуқаролар икки марта, 21 кун оралиғида эмланади.
Эслатиб ўтамиз, жорий йилнинг 1 июн кунидан бошлаб, чет элга ўқишга борадиган талабалар, оммавий ахборот воситалари ходимлари, журналистлар, ёзувчилар, телерадиокомпанияда хизмат қилаётган ходимлар рўйхати тузилиб, уларни коронавирус инфекциясига қарши ўзбек-хитой вакцинаси орқали эмлаш ишлари старт олган.
Сурхондарё вилояти СЭО ва ЖС бошқармаси
ОАВ ва жамоатчилик билан ишлаш бўлими
