Таниқли миллиардер, xAI технология компанияси эгаси Илон Маск янгиланган Grok чат-боти тақдим этилишини эълон қилди.
Маскнинг ўзи «Ердаги энг ақлли сунъий интеллект» дея таърифлаган ушбу чат-бот бизнинг вақт билан 18 феврал куни соат 05:00 да (Тинч океани вақти билан 17 феврал соат 20:00 да) тақдим этилади.
Айтилишича, янгиланган тизим ҳали ҳеч бир ишланма эришмаган даражада маълумотларни таҳлил қилиш ва жавоблар бериш қобилиятига эга. Синовларда Grok 3 барча рақобатчиларни ортда қолдирди, деди Маск.
Илгари Grok чат-ботидан фақат X Premium обуначилари фойдаланишлари мумкин эди. Grok 3 эса бепул, бунинг учун grok.com веб-сайтига кириш кифоя ёки мобил иловадан фойдаланиш мумкин. Кўплаб чат-ботлардан фарқи, Grok 3 да савол-жавобларда деярли чегара йўқ.
