Покистонда маҳаллий муҳандис Tesla Cybertruck автомобилининг нусхасини ясади, деб хабар берди Carscoops.com.
Таъкидланишича, автомобил номаълум пикап базасида қурилган. Уни ясашга 3 млн покистон рупияси (10,5 минг АҚШ доллари атрофида) сарфланган. АҚШда асл Tesla Cybertruck нархи $70 мингдан бошланади.
Покистонлик устанинг қўлбола «Тесла»си чинакам Tesla Cybertruck билан солиштирганда кичкина: калтароқ, пастроқ ва торроқ. Машинага қанақа мотор қўйилгани номаълум.
