Бугун Термиз шаҳрида қаттиқ шамол кузатилаяпти. Бунинг натижасида айрим иншоотларга зарар етмоқда. Термиз шаҳри “Шифокорлар” маҳалласи Камолиддин Беҳзод кўчасида янгидан қурилган 4 қаватли турар-жойнинг том қисми ҳам қаттиқ шамол сабаб учиб тушган.
Ўрганиш жараёнида маълум бўлдики, ушбу турар-жой 2018 йилда қурилган бўлиб, 16 та хонадон учун мўлжалланган. Ҳолат гувоҳларининг сўзларига кўра, бугун соат 11-00 лар атрофида шамол ушбу уйнинг том қисмини учириб юборган, жабрланганлар йўқлиги айтилмоқда. Воқеа жойига маҳалла профилактика инспектори келган.
Ўрганиш жараёнида бир фуқаронинг маиший техникасига ва маиший савдо шахобчасининг том қисмига зарар етганлиги билдирилди.
Томдан учиб тушган қурилиш материаллари ичида чириган, эски ёғочлар кўриниб турибди.
