Италиянинг ISTAT статистика бошқармаси маълумотларига кўра, 2022 йил март ойида Италияда истеъмол нархлари индекси ўтган йилнинг шу даврига нисбатан 6,7 фоизга ўсган.
Индекснинг барча моддалари бўйича йиллик ўсиш суръатларининг тезлашиши, асосан, энергия ресурсларининг юқори нархлари ҳисобига (март ойида таннархнинг ўсиши 45,9 фоизни, февралда – 52,9 фоизни ташкил этди) рўй берди.
Шу ва бошқа омиллар туфайли Италияда озиқ-овқат қимматлашмоқда. Шундай қилиб, кунгабоқар ёғи нархи сезиларли даражада ошди – 23,3 фоизга. Янги сабзавот (17,8 фоиз), сариёғ (17,4 фоиз), макарон (13 фоиз), денгиз маҳсулотлари (10,8 фоиз), ун (10 фоиз), товуқ гўшти (8,4 фоиз), янги мевалар (8,1 фоиз), янги балиқ (7,6 фоиз), музқаймоқ (6,2 фоиз), нон (5,8 фоиз) нархлари сезиларли даражада ошди.
bloombergquint.com таъкидлашича, Европада табиий газ нархлари душанба куни ўзгариб турди. Фьючерслар коридорда 7 фоизгача ўзгариб турди.
Бироқ ҳозирча Россиядан асосий қувур йўллари орқали газ етказиб бериш барқарорлигича қолмоқда. Европанинг баъзи қисмларида юқори шамол кучига эга бўлган метеорологик шароитлар ҳам нархларни пасайтирмоқда. Бундан ташқари, ҳаво ҳарорати аста-секин ўсиб бормоқда, бу эса газга бўлган талабни камайтиради, деб ҳисоблайди европалик иқтисодчилар.
