19 ноябрдан 20 ноябрга ўтар кечаси АҚШнинг Манчестер шаҳрида профессионал бокснинг WBA ва IBF йўналишлари бўйича биринчи енгил вазн тоифасида (55,3 кг гача) жаҳон чемпиони Мурожон Аҳмадалиев чилилик Хосе Веласкесга қарши рингга кўтарилади.
Жангчилар Қўшма Штатларга учиб кетишди. Олдинроқ америкалик чемпионлик учун расмий давогар Ронни Риос коронавирус касаллиги туфайли жанг ўтказа олмаслиги ҳақида хабар қилинганди.
Бироқ, чилилик ҳам жуда муносиб рақиб, у 37 та жангда 29 та ғалаба қайд этган, шундан 19 тасини нокаут билан якунлаган.
Маълумот учун: Наманган вилоятининг Чуст шаҳрида туғилган 27 ёшли Муроджон Ахмадалиев 2018 йилнинг 10 мартидан буён проф боксда фаолият олиб боряпти. 2016 йилги Рио Олимпиадаси бронза медали совриндори ҳисобланади. 2020 йилнинг 30 январида у WBA ва IBF чемпионлик унвонлари учун жангда америкалик Даниэль Романни мағлуб этиб чемпионлик камарларига эга чиққан эди. Аҳмадалиев 2021 йил 3 апрель куни Тошкентда япониялик Рёсуке Ивасуни мағлубиятга учратган ҳолда камарларини ҳимоя қилган, бешинчи раундда Аҳмадалиевнинг яққол устунлиги туфайли ҳакам жангни тўхтатган эди.
АҚШ вақти бўйича жанг 19 ноябрга ўтар кечасига режалаштирилган, бу вақтда Тошкентда 20 ноябрь куни эрталаб бўлади.
