Хабарларда айтилганидек, Ўзбекистон миллий терма жамоаси ЖЧ-2022 ва Осиё кубоги-2023 қўшма саралаш босқичидаги қолдирилган учрашувларни октябр ва ноябр ойларида ўтказади.
Саралаш баҳсларига муносиб тарзда тайёргарлик кўриш мақсадида, миллий терма жамоа учун сентябр ойида Тошкентда ўқув-машғулот йиғини ташкил этилади.
Мазкур йиғин доирасида Вадим Aбрамов мураббийлиги остидаги миллий терма жамоамиз Тожикистон билан ўртоқлик ўйини ўтказади.
Тожикистон футбол федерацияси билан келишган ҳолда, ушбу учрашув 4-сентябр куни «Бунёдкор» стадионида бўлиб ўтиши белгиланди.