Термиз туман 16-сонли айрим фанлар чуқур ўқитиладиган синфлари мавжуд умумтаълим мактабининг 11-синф ўқувчиси Жавоҳир Рустамов 5 та фан: кимё, биология, математика, ўзбек тили ва адабиёти ҳамда тарих фанидан миллий сертификатни қўлга киритиб, олийгоҳга кириш имтиҳонларида максимал 189 бални тўплади.
Жавоҳир эндиликда биология ва кимё фанларидан имтиҳонсиз олийгоҳ талабаси бўлиш имкониятига эга.
Шунингдек, Ангор туман ихтисослаштирилган мактабининг 10-синф ўқувчиси Шаббнам Қорахонова кимё, биология, ўзбек тили ва адабиёти ҳамда тарих фанларидан миллий сертификатга эга бўлиб, 178 балл тўплади.
Маълумот учун, Ангор туман ихтисослаштирилган мактабининг жами 12 нафар, Қумқўрғон туман ихтисослаштирилган мактабининг 11 нафар 10-11-синф ўқувчилари кимё ва биология фанларидан миллий сертификатларни қўлга киритишди.
