Бойсун туманидаги «Бойсун чорвадори» фермер хўжалигига шартнома асосида Австриядан махсус юк машиналарида 62 бош «Симментал» зотли сигирлар олиб келинди. Мазкур чорва моллари сут олиш учун боқилади ва кўпайтирилади.
Фермер 2 йил аввал ҳам шундай сигирлардан олиб келиб, улар сонини 200 тага етказган. Фаолиятини янада кенгайтираётган «Бойсун чорвадори»да «Абердинангус» зотли новвослар ҳам боқиляпти. «Булар 1 тоннадан ошиқ вазнгача семиради», дейди фермер.