Мудофаа вазирлигининг хабар беришича, Россия ва Украина асирларни алмашган, ҳар бир томон 25 кишини қабул қилган.
“Ҳозирда барча россиялик ҳарбий хизматчилар Беларус Республикаси ҳудудида бўлиб, у ерда уларга зарур психологик ва тиббий ёрдам кўрсатилмоқда, шунингдек, қариндошлари билан боғланиш имконияти яратилмоқда”, — дейилади хабарда.
Келгусида алмашув вақтида бўшатилган ҳарбий хизматчилар Россияга олиб кетилиб, улар Мудофаа вазирлиги тизимидаги тиббиёт муассасаларида даволаниш ва реабилитациядан ўтадилар.
Вазирлик алмашинув БАА воситачилигида амалга оширилганини айтди.
Бу 2025 йилдаги биринчи алмашинув.
Кейинроқ Украина президенти идораси алмашинувни тасдиқлади. Офис раҳбари Андрей Эрмакнинг айтишича, қайтиб келганлар орасида ҳарбий хизматчилар (Мариупол ва Донбасснинг бошқа қисмлари, Харков, Запороже ва Херсон вилоятларидаги жанговар ҳаракатлар иштирокчилари), жумладан, оғир жароҳат олганлар ва тинч аҳоли вакиллари ҳам бор.
