АҚШдаги намойишлар фонида Президент Доналд Трампга нисбатан норозилик кайфияти кучаймоқда. Мамлакатдаги вазиятдан, унинг сайловлардаги рақиби Жозеф Байден ҳам унумли фойдаланяпти, дейиш мумкин.
Бу йил ўтказилиши режалаштирилган президентлик сайловларида Трампнинг асосий рақиби ҳисобланган, демократ Жозеф Байден Трампнинг ҳозирги позициясига қуйидагича фикр билдирди: “Трамп оммавий норозиликлар сабаб шокка тушган Американи бирлаштиришдан кўра, ўзининг қайта сайланиши ҳақида кўпроқ ташвишланяпти”.
Бироз аввал Доналд Трамп мамлакатда бўлиб ўтаётган норозиликларни бостириш учун ҳаттоки армияни жалб қилишини билдирган эди. Бироқ, нафакат Байден, балки бошқа кўплаб демократик мухолифат вакиллари ва ҳатто собиқ юқори мартабали ҳарбийлар хам президентга Америка уруш майдони эмаслигини ва унинг фуқаролари потенциал душман эмаслигини эслатиб ўтишди.
