Дунёнинг турли бурчакларида карантин чоралари юмшатилаётган бир пайтда Бразилияда коронавирус инфекциясининг тарқалиши суръати борган сари кенгайиб боряпти. Расмий маълумотларга кўра, сўнгги 24 соат ичида касалланганлар сони 20 мингдан ошди, уларнинг умумий сони эса 400 минг кишидан ошди.
25 мингдан ортиқ беморлар вафот этган. Бир неча кун ичида Бразилия COVID-19 билан касалланганлар сони бўйича дунёда иккинчи ўринга чиқди. Касалликнинг энг катта тарқалиш нуқтаси Сан-Паулу шаҳри бўлиб турипти. Мамлакатдаги вазият коронавирус учун тест ўтказишга маблағ етишмаслиги, шунингдек, мамлакатнинг энг қашшоқ худудларида инфекциянинг тарқалиши тўғрисида ишончли маълумотларнинг йўклиги билан мураккаблашмоқда. Пандемия, айниқса малакали тиббий ёрдам йўлга қўйилмаган чекка ҳудудлар аҳолиси учун хавфли бўлмоқда.
