Перу суди собиқ президент Алехандро Толедони Бразилиянинг Одебречт қурилиш корпорациясидан пора олгани учун 20 йилу олти ойга озодликдан маҳрум қилди.
Қайд этилишича, Перунинг олий жиноий суди 2001-2006 йилларда олий давлат лавозимини эгаллаб келган Толедони коррупция, фитна ва ўзлаштиришда айбдор деб топди.
Судья Инес Рохас томонидан ўқилган ҳукм матнида айтилишича, «78 ёшли Толедо Океанлараро автомагистралнинг 2 ва 3-қисмларини қуриш бўйича шартномани бразилиялик компанияга бериб, давлатга зарар етказган».
2023 йилнинг 24 апрелида АҚШ коррупцияда айбланган Перу собиқ президенти Алехандро Толедони экстрадиция қилишга қарор қилганди.
