Халқаро шахмат федерацияси (FIDE) норвегиялик шахматчи Магнус Карлсенни асрнинг энг яхши гроссмейстери деб топди. Будапештда федерациянинг 100 йиллигига бағишланган FIDE 100 мукофотларини топшириш маросими бўлиб ўтди.
Магнус Карлсен 33 ёшда. У тезкор шахмат бўйича беш карра жаҳон чемпиони, блитс бўйича етти карра жаҳон чемпиони ва FIDE жаҳон кубоги ғолиби. 2011 йилнинг 1 июлидан бошлаб шахматчиларнинг жаҳон рейтингида биринчи ўринни эгаллаб келмоқда.
