2024 йилнинг ўтган 8 ойи давомида Сурхондарё вилоятида 17 мингдан ортиқ ер участкалари ва кўчмас мулкларга кадастр паспорти тайёрланди. Бугунги кунда Кадастр агентлигининг Давлат кадастрлари палатаси орқали 10 га яқин давлат хизматлари аҳолига тақдим этилмоқда. Ушбу хизматлар электрон кўринишда кўрсатилади ва мурожаатлар Давлат хизматлари марказлари ҳамда Ягона интерактив давлат хизматлари портали орқали қабул қилинади.

2024 йилнинг ўтган даврида жисмоний ва юридик шахслардан кўчмас мулк объектларига кадастр паспорти шакллантириш бўйича 25 827 ариза келиб тушган. Бу аризаларнинг 17 046 таси якунланган бўлиб, 7746 таси турли низоли ҳолатлар сабабли рад этилган, 535 таси эса ҳуқуқий ҳужжатлар асли тақдим қилинмаганлиги сабабли бекор қилинган.

Энг кўп мурожаатлар Термиз шаҳридан келиб тушган (1 605 та), шунингдек, Денов тумани (1 146 та) ва Сариосиё тумани (859 та) ҳам кўп миқдорда кадастр паспорти тайёрланган ҳудудлар сифатида қайд этилган.