Самарқандда эркак аёлини пичоқлаб ўлдирди. Бу ҳақда Uzreport.news манбасига Бош прокуратура матбуот котиби Ҳаёт Шамсутдинов хабар берди.
Иш ҳужжатларига кўра, 24 июль куни тахминан соат 16:11 да Пастдарғом тумани, Ўрта Чархин маҳалласида яшовчи 1998 йилда туғилган R.R. ўз яшаш хонадонида турмуш ўртоғи 2000 йилда туғилган Sh.M. билан ўрталарида юзага келган келишмовчилик натижасида ошхона пичоғи билан танасининг турли жойларига қасддан уриб ўлдирган.
Мазкур ҳолат юзасидан R.R.ga нисбатан Ўзбекистон Республикаси ЖКнинг 97-моддаси 1-қисми билан жиноят иши қўзғатилиб, ишга гумон қилинувчи тариқасида жалб қилинган ҳамда ҳимоя ҳуқуқи таъминланган ҳолда ЖПКнинг 221-227-моддаларига асосан процессуал тартибда ушланган.
