Маямидаги (АҚШ, Флорида штати) “Ҳард Роск” стадиони майдонида Аргентина ва Колумбия терма жамоалари ўртасидаги Америка Кубоги-2024 финал учрашуви якунига етди. Аргентиналиклар қўшимча дақиқаларда ҳужумчи Лаутаро Мартинеснинг голи эвазига 1:0 ҳисобида ғалаба қозониб, турнир ғолибига айланишди.
Колумбия терма жамоасининг 33 ёшли ҳужумкор ярим ҳимоячиси Хамес Родригес Америка Кубоги-2024нинг энг яхши футболчиси совринини қўлга киритди. Турнирнинг олтита учрашувида футболчи битта гол ва олтита голли узатмани амалга оширди.
Умумий ҳисобда Хамес Родригес Колумбия терма жамоаси сафида 107 та ўйин ўтказиб, 28 та гол ва 33 та голли узатмани амалга оширган.
