Америкадаги Sorrento Therapeutics биофармацевтика компанияси мутахассислари коронавирусни тўлиқ блоклай оладаган антитани топилганини маълум қилди. Компания коронавирусга таъсир қиладиган минглаб антитаналарни тадқиқ қилган. Олимлар уларни ўрганиш орқали антитаналардан бири STI-1499 инсон организми тўқималарини 100 фоиз SARS-CoV-2 вируси юқишидан ҳимоялашини аниқлашган.
STI-1499 антитанасининг кичик миқдордаги дозаси вируснинг юқиш хусусиятини тўхтата олди ва бу мазкур препаратнинг кейинги тадқиқотлар ҳамда синовлар учун биринчи даражадаги давогар эканлигини кўрсатди, дейилади компания баёнотида.
Sorrento Therapeutics изоҳ беришича, антитана таъсири шундан иборатки, у 4 сутка давомида вирусни организмдан чиқариб юборади.
«Бу дори воситаси эканини таъкидлаймиз. Аниқ самара берадиган таклифимиз бор», — деган компания асосчиси доктор Генри Джи. Олим синов ишлари ҳозирча фақат лаборатория шароитида ўтказилганини, шу боис компания уни ишлаб чиқаролмаслигини айтган. Бунга қўшимча Джи, препатат даво учун қабул қилиниши билан карантин чораларига ҳожат қолмаслигини билдирган.
Ҳозирда коронавирус пандемияси бутун дунё мамлакатларини қамраб олди. Жаҳон соғлиқни сақлаш ташкилоти маълуотларига кўра дунё миқёсида 4,4 миллион киши касалланган, улардан 302 минг нафари вафот этган, 1 миллиондан ортиғи шифо топган. Касаллик юқиши ва ўлим ҳолатлари бўйича АҚШ биринчи бўлиб қолмоқда.
РИА Новости
