«Филиппинга ёғилган “Амбу” тўфони 4 кишининг умрига зомин бўлди. 25 киши жароҳатланган”- деб хабар тарқатмоқда маҳаллий телеканали ҳукумат ва полиция маълумотларига таянган ҳолда.  Тўфон пайшанба куни Сан-Поликарпо муниципиалитети шарқидаги Самар оролига тезлиги секундига 40-50 метрдан иборат кучли шамол ва ёмғир билан кириб келганди. Кейинроқ довул шимолий Самар провинциясига етиб боради. Жума куни кечки пайтда эса «Амбо» Лусон оролининг ғарбида жойлашган Бикол вилоятига ёпирилган. PNA Филиппин ахборот агентлиги хабарига кўра, ҳукумат табиий офат сабабли Биколдан 300 минг нафардан ортиқ кишини кўчирган.  Маълум қилинишича, тўфон оқибатида 4 киши, шарқий Висай вилоятидан 3, Кесон провинциясидан 1 киши вафот этган. Полициянинг билдиришича, Самар провинциясидаги эвакуация марказига етиб келгунча йўлда камида 25 киши жароҳатланган. Кесон провинцияси раҳбари Данило Суареснинг сўзларига қараганда, кучли шамол электр тармоқлари жиддий шикаст етказган ва оқибатда 30 та шаҳар электрсиз қолган. Маҳаллий метеорологлар тўфон кучсизланаётгани ва душанба куни Филиппинни тарк этишини маълум қилмоқда.

РИА Новости