Мажбурий ижро бюроси Шеробод туман бўлими иш юритувида бўлган ижро ҳужжатига асосан Р.Акрамов 2015 йилда туғилган фарзандининг моддий таъминоти учун алимент ундириш белгиланган. Ўз навбатида алимент тўловчи отанинг Ўзбекистон Республикаси ҳудудидан четга чиқиш ҳуқуқлари ундирувчининг аризасига асосан вақтинча чекланган. 

Алимент тўловчи ота хорижга чиқиш истаги борлиги ҳамда ўзига нисбатан қўлланилган чеклов чораларини бекор қилишни сўраб Бюронинг туман бўлимига мурожаат қилди.

Давлат ижрочиси томонидан чекловни бекор қилиш асослари тушунтирилган сўнг, вояга етмаган фарзанднинг 18 ёшгача бўлган алимент миқдори олдиндан ҳисоблаб берилди ва Р.Акрамов собиқ турмуш ўртоғи билан ўзаро келишган ҳолда 80 миллион 713 минг сўм алиментни тўлиқ тўлаб берди.

Ҳужжатлар нотариал тартибда расмийлаштирилгандан сўнг, қарздорга нисбатан қўлланилган барча чеклов чоралари бекор қилинди.

Фахриддин Хўжамқулов, Бюронинг Шеробод туман бўлими бошлиғи ўринбосари