Украиналик эркин кураш устаси Богдан Грицай оғир вазнда бокс бўйича жаҳон чемпиони Александ Усикни қоидасиз жангга чақирди, деб хабар берди РИА Новости. Шу тарзда Грицай Усикнинг “дивандаги” экспертлар тўғрисида ўзининг Instagram саҳифасида эълон қилган ҳазиломуз видеосига муносабат билдирган. Курашчи мазкур изоҳларни “савиясизлик” деб атаган ва уни Украина фуқароларига нисбатан “таҳдид” билан тенглаштирган. Шу қаторда Грицай “дивандаги” экспертларни танқид қилиш орқали Усик “россия сценарийси”ни илгари сурганини айтади.
“Сенга сабоқ бўлсин. Қрим кимники эканлиги, украиналиклар нимани ёзиши ва гапиришини белгилаш сенга эмас”, – дея таъкидлайди спортчи.
Эслатиб ўтамиз бироз аввал Усик проваслав эътиқоди, дўстлик ва спорт ҳақида тайёрланган ҳужжатли фильмдаги иштироки учун “Тинчликпарвар” номли сайтнинг маълумотлар базасига киритилган эди. Унинг номи гўёки Украинага қарши ҳаракатларни содир этган шахслар рўйхати киритилган бўлимга жойланган. Жорий йилда украиналик боксчи россиялик Александ Поветкинга қарши жангдан “сиёсий ўйинлар” таъсири борлигини сабаб сифатида кўрсатиб воз кечганди.
