Узун туманида кеча соат 20:00 ларда ёш болалар иштирокида йўл-транспорт ҳодисаси содир бўлди. Бу ҳақда ЙҲХББ маълумотига асосан daryo.uz хабар берди.
Ҳодиса «Ўзбекистон» маҳалласи ҳудудидан ўтувчи 4Р-108В автомобиль йўлининг 9-километрида юз берган. 1983 йилда туғилган Д.Г. Lacetti автомобилини бошқариб кетаётиб, йўлнинг белгиланмаган жойидан кесиб ўтаётган 8 ёшли Р.Ш. (ўғил бола) ва 7 ёшли Ш.Х. (қиз бола)ларни уриб юборган.
Пиёда 8 ёшли Р.Ш. кўрсатилган тиббий муолажаларга қарамасдан шифохонада вафот этган. Вояга етмаган пиёда 7 ёшли Ш.Х. тан жароҳати олиб шифохонага ётқизилган. Мазкур ҳолат юзасидан Узун тумани ИИБ ТБ томонидан тергов ҳаракатлари олиб борилмоқда. Ҳайдовчилардан йўлларда ҳаракатланганда йўл ҳаракати қоидаларига амал қилиб, пиёдаларга эътиборли бўлишларини сўраймиз.
