ТАСС хабарига кўра, Ким Чен Ын 20 кунлик танаффусдан сўнг ниҳоят жамоатчилик олдида кўриниш берган. Келтирилишича, Шимолий Корея раҳбари Сунчхондаги ўғит ишлаб чиқариш заводининг очилиш маросимида қатнашган. Янги иншоот қурилиши якунланиши муносабати билан у рамзий лентани қирққан. CNN телеканалига президент маслаҳатчиси Мун Чжон Ин: “Ҳукуматимиз ўз позициясида мустаҳкам турибди. Ким Чен Ын тирик ва соғ-саломат. У 13 апрелдан буён Вонсана районида. Ҳеч қанақанги шубҳали ўзгаришлар кузатилган эмас”, дея маълумот берди.
КХДРнинг асосий нашри “Нодон Синмун” эса Ким Чен Ын таҳририятга Вонсан-Кальманинг шарқий қирғоғида янги сиҳатгоҳ бунёд этган қурувчилар учун миннатдорчилик хатини йўллаганини билдирди.
Эслатиб ўтамиз, 11 апрелдан буён оммавий ахборот воситаларида Ким Чен Ыннинг саломатлиги ёмонлашгани, гўёки юрак хуружидан кейин жарроҳлик амалиётини ўтказгани ҳақида мақолалар эълон қилинганди. Шунингдек, ижтимоий тармоқлар уни ўлганга ҳам чиқаришган
