Абдулазиз Комиловнинг ўғлига тегишли компания “Чиноз нефтни қайта ишлаш заводи” МЧЖни ҳам сотиб олди
Собиқ ташқи ишлар вазири Абдулазиз Комиловнинг ўғли Комилов Дониёр Абдулазизовичга тегишли компания Petroleum Technology Group МЧЖ эндиликда “Чиноз нефтни қайта ишлаш заводи” МЧЖни сотиб олди.
Чиноз нефтни қайта ишлаш заводи 2016 йилда ишга туширилган. Завод 2022 йилда сотувга чиқарилган, 2023 йил бошида харидорлардан таклифлар қабул қилинганди.
Давлат активларини бошқариш агентлиги хусусийлаштиришнинг кейинги тақдири ҳақида бошқа ахборот тақдим этмаган.
Маълумот учун, Комилов Дониёр Абдулазизовичга тегишли Petroleum Technology Group МЧЖ аввалроқ Ўзбекистонда 78 та заправкага эга бўлган UNG Petro компаниясининг янги эгасига айлангани ҳақида хабар берилган эди.
