Россия Президенти Владимир Путин америкалик журналист Такер Карлсонга берган интервьюсида польяклар 1939 йилда Иккинчи жаҳон урушини бошлашга Адольф Гитлерни “мажбур қилгани” ҳақида айтиб ўтган.
Польша Ташқи ишлар вазири Радослав Сикорский Путиннинг айбловларига ўз муносабатини билдирди.
Шунингдек, Сикорский америкалик журналист Такер Карлсон Путиннинг чўпчакларини тарқатаётганидан ҳайратдалигини таъкидлади.
“Россия диктатори Владимир Путин 1939 йил 17 сентябрда СССР томонидан босиб олинган Польшани уруш бошлаганликда биринчи марта айблаётгани йўқ. Биз Россиянинг 2022 йилда Украинага бостириб киришини параноик тарзда оқлашга уринишига ўрганиб қолганмиз. Бу сафар америкалик журналист ҳам бунга қўшилганидан ҳайрон қолдик”, деб ёзган Сикорский.
