Ёшлигида Германиядан қочган ва Америка тарихидаги энг нуфузли ва зиддиятли ташқи сиёсат арбобларидан бирига айланган АҚШнинг собиқ давлат котиби Генри Киссинжер кеча, 29 ноябрь куни Коннектикутдаги уйида 100 ёшида вафот этди. CNN мақоласида машҳур дипломат қандай яшагани эсга олинди.
Генри Киссинжер (чапда) укаси Валтер билан, 1930 йил 1 январь.
Қайд этиш жоизки, Киссинжер 1970 йилларда АҚШ ташқи сиёсатининг синоними эди.
У АҚШнинг Вьетнам урушидаги ҳарбий иштирокини тўхтатишга ёрдам бергани учун Тинчлик учун Нобель мукофотини олган ва АҚШ Президенти Ричард Никсонга Хитойни Қўшма Штатлар ва Ғарбга очишда ёрдам берган махфий дипломатияси билан машҳур эди.
Аммо у Вьетнам уруши пайтида Камбоджани бомбардимон қилгани, бу геноцид қизил кхмерлар (Камбоджадаги аграр коммунистик ҳаракатининг норасмий номи) режимининг кучайишига олиб келгани ва Чилида демократик ҳукуматга қарши тўнтаришни қўллаб-қувватлагани учун ҳам кўпчилик томонидан танқид қилинган.
Киссинжер 2023 йил июль ойида Пекинда Хитой етакчиси Си Цзиньпин билан учрашди.
Киссинжер 1977 йилда кечки овқат пайтида актёр Кирк Дуглас билан гаплашмоқда.
Шунингдек, у, Яқин Шарқда 1973 йилги Исроил ва араб кучлари ўртасидаги урушда ушбу давлатларни ажратиш учун «воситачилик дипломатияси»дан фойдаланган.
Киссинжер АҚШ Миллий хавфсизлик бўйича маслаҳатчи сифатида 1969 йилда АҚШ Давлат котиби Уилям Рожерс билан бирга ўтирибди.
Суратда чапдан ўнгга: таржимон Виктор Суходрев, АҚШ миллий хавфсизлик бўйича маслаҳатчиси Генри Киссинжер ва КПСС Марказий Қўмитаси Бош котиби Леонид Брежнев Завидово ов ҳудудида, СССР, Калинин вилояти. 1973 йил 4-9 май
Киссинжер 1979 йилда Массачусетс штатидаги Конкорд академиясини тамомлагандан кейин ўғли Девид билан бирга. Киссинжернинг Элизабет исмли қизи ҳам бор эди
Киссинжернинг рафиқаси Ненси эрининг Миср ва Исроил ўртасида тинчлик музокаралари учун сафари чоғида газеталарни текшираётганда бошини силаб қўйди.
Генри Киссинжер малика Диана билан, 1996 йил.
Генри Киссинжер Россия Президенти Владимир Путин билан Ново-Огаревода чой ичмоқда, 2006 йил 6 июнь.
