Сурхондарё вилояти ҳокими Тўра Боболов бошчилигидаги делегация Россиянинг Новосибирск вилоятига 3 кунлик амалий ташрифини якунлаб, бугун, 27 февраль куни «Толмачево» халқаро аэропортидан пойтахт Москва шаҳрига жўнаб кетди.

Эслатиб ўтамиз, Сурхондарё вилояти делегациясининг Новосибирск вилояти, Москва ҳамда Санкт-Петербург шаҳарларига ташрифидан кўзланган мақсад тадбиркор ва ишбилармонларимиз ўртасида фаол шериклик ўрнатиш учун янада қулай шароит яратиш, ҳудудлараро савдо-иқтисодий ва инвестициявий ҳамкорликни янги босқичда жадал ривожлантиришдир.