Кеча, 7 апрель куни соат 21:15 да Миробод туманида жойлашган уйнинг бирида 25 ёшли аёл ва унинг 8 ойлик ўғли вафот этганлиги аниқланган. Бу ҳақда Бош прокуратура Матбуот хизмати котиби Ҳаёт Шамсутдинов хабар берди.
Марҳумларнинг ўлим сабабини аниқлаш мақсадида суд-тиббий экспертизаси тайинланган.
Ҳозирда терговга қадар текширув ҳаракатлари олиб борилмоқда.
Эслатиб ўтамиз, ижтимоий тармоқларда Тошкент шаҳрида кеча, 7 апрель куни она ва бола ис газидан заҳарланиб, вафот этгани ҳақида хабарлар тарқалганди.
