Мажбурий ижро бюроси Узун туман бўлими иш юритувида бўлган Фуқаролик ишлари бўйича Сариосиё туманлараро судининг 2020 йил
октябрь ойидаги суд буйруғига асосан Муродулло Норқуловдан собиқ турмуш ўртоғи фойдасига вояга етмаган уч нафар фарзандларининг моддий таъминоти учун алимент ундириш тўғрисидаги ижро ҳужжати муддатидан олдин тугатилди.

Алимент тўловчи ота ҳорижий давлатга чиқиш истагида унга нисбатан қўлланилган чеклов чораларини бекор қилишни сўраб, Бюронинг туман бўлимига мурожаат қилди.

Давлат ижрочилари амалдаги қонун толаблари бўйича яъни алиментлар олдиндан тўланган ёки бу бўйича гаров шартномаси тузилган тақдирда хорижга чиқишга оид чеклов олиб ташланиши ҳақида тушунтиришлар берди.

Қарздор ота ушбу чекловларни бекор қилиш мақсадида собиқ турмуш ўртоғи билан ўзаро келишиб, фарзандларининг моддий таъминоти учун18 ёшгача бўлган 50 миллион сўм алимент пулини олдиндан тўлиқ тўлаб берди.

Шундан сўнг, мазкур алимент ижро ҳужжати иш юритувдан тугатилиб, Бюронинг туман бўлими томонидан алимент тўловчи отага нисбатан қўлланилган чекловлар бекор қилинди.

Улуғбек Қирғизбоев,
Бюронинг Узун туман бўлими давлат ижрочиси.