Россиянинг Москва шаҳрида коронавирусга қарши “Sputnik-V” яратувчиларидан бири, 48 ёшли вирусолог Андрей Ботиков уйида боғиб ўлдирилди. Бу ҳақда “РИА Новости” хабар берди.
Ҳолат юзасидан Россия Тергов қўмитаси “Қотиллик” моддаси (Россия Жиноят кодексининг 105-моддаси 1-қисми) бўйича жиноий иш қўзғатган. Марҳум Н. Ф. Гамалей номидаги Эпидемиология ва микробиология миллий тадқиқот марказида ишлаган. Рогова кўчасидаги хонадонлардан бирида 29 ёшли меҳмон уй эгаси Андрей Ботиков билан жанжаллашиб, уни камар билан бўғиб ўлдирган.
Қотилликда гумон қилинган эркак ҳибсга олинган, у ўз айбига иқрор бўлган. Айбланувчи аввал ҳам оғир жиноят учун жавобгарликка тортилган.
“Sputnik V” — Россияда COVID-19 га қарши асосий вакцина ҳисобланади. У 2021 йил бошидан Россияда кенг қўлланила бошланган. Мазкур вакцина бошқа мамлакатларга ҳам етказилган.
