Бош прокуратура ҳузуридаги Департаментнинг Бектемир туман бўлими томонидан терговга қадар текширув ўтказилди.

Унда, “W.L.” МЧЖ раҳбари З.Х. “W.M.” МЧЖга 19.01.2019 йилда Бектемир туманида ижтимоий ҳимояга муҳтож оилаларни уй-жой билан таъминлаш мақсадида кўп қаватли турар жой бинолари қуриш учун 0,22 гектар ер майдони ажратилганлигидан фойдаланиб, гўёки ушбу майдонда “W.L.” МЧЖ томонидан кўп-қаватли уйлар қурилаётганлиги ҳақида ҳақида турли эълонлар бериб, 3 нафар фуқаронинг жами 550,4 млн сўмини “W.L.” МЧЖ ҳисоб рақамига ўтказиб, ушбу маблағларни фирибгарлик йўли билан ўзлаштирганлиги аниқланган.

Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.