Россиялик енгил вазн тоифасида амалдаги UFC чемпиони Ислом Махачев австралиялик Александр Волкановскининг сўзларига жавоб қайтарди. Бу ҳақдаги фикрларини спортчи ўз Twitter саҳифасида билдирган.
Махачев сўнгги раундда ҳақиқатдан ҳам рақиби устунлик қилганини тан олди, бироқ жангнинг қолган қисмида россиялик ўзи устунликка эга бўлганига ишора қилди.
“Мен ҳам жангни кўриб чиқдим ва очиғини айтсам, Алекс сўнгги дақиқаларда устунликни қўлга олди”, дейди Махачев.
Эслатиб ўтамиз, Австралиянинг Перт шаҳрида бўлиб ўтган UFC 284 турнирида Ислом Махачев ва Волкановски ўртасидаги баҳсда россиялик спортчининг қўли баланд келди. Жангдан сўнг Алекс Волкановски Махачев билан тўқнашувда ҳакамлар нотўғри қарор қабул қилганини таъкидлаганди.
