“Ўзбекнефтгаз”АЖ томонидан иш жараёнида ҳалокат ва бахтсиз ҳодисаларга йўл қўймаслик мақсадида зарур чоралар ишлаб чиқилган. Бироқ ер ости заҳираларини аниқлаш, қазиб олиш, уни қайта ишлаш жараёнларида ишчи-ходимлар томонидан йўл қўйилган биргина хато, йўриқномаларга амал қилмаслик, катта фожиаларни келтириб чиқариши ҳам эҳтимолдан ҳоли эмас.
Шу сабабдан бундай ҳолатларни олдини олиш мақсадида жамият томонидан хавфли объектларда фаолият олиб борувчи ходимларнинг билимлари ошириб борилади.
Шунингдек, бошқарма ва корхоналарда ISO 45001 (соғлиқни муҳофаза қилиш ва меҳнат хавфсизлиги) ва ISO 14001 (экологик менеджмент) халқаро стандартларининг фаолияти доимий тизимда юритилиши назоратга олинган ва ушбу йўналишида амалий ёрдам берилмоқда.
Хусусан, 2022 йилда 29 та бошқарма ва корхоналарда мутахассисларига ISO 45001 ва ISO 14001 стандартларининг “Ички аудитнинг амалий жиҳатлари”, “Хавфсизлик маданиятини ривожлантириш ва “Ўзбекнефтгаз” акциядорлик жамиятининг саноат ва экология хавфсизлиги, соғлиқни муҳофаза қилиш ва меҳнат хавфсизлигининг олтин қоидалари” мавзусида вебинар ўтказилиб, ушбу вебинарда 529 га яқин мутахассисларнинг иштироки таъминланди.

Бундан ташқари,
• меҳнатни муҳофаза қилиш йўналиши бўйича Республика аҳоли бандлиги ва меҳнатни муҳофаза қилиш илмий марказида 39 нафар,
• “UNG Trining” ўқув маркази томонидан 1 384 нафар ҳамда бошқа ўқув марказлари томонидан касбий хавфсизлик йўналишлари бўйича 4 157 нафар,
• ёнғин хавфсизлиги йўналишлари бўйича 30 нафар,
• биринчи ёрдам кўрсатиш бўйича 33 нафар,
• саноат хавфсизлиги йўналиши бўйича 329 нафар ходимлар ўқитилди.

“Ўзбекнефтгаз” АЖ Матбуот хизмати