Россия ва Хитой ўртасидаги чегара ўтиш пункти иш бошлади, деди Россиянинг Шеняндаги бош консули Сергей Черненко. Унинг сўзларига кўра, дастлабки соатлардаёқ 19 нафар россиялик чегарани кесиб ўтган. Унинг аниқлик киритишича, чегара ўтиш пункти 9 январ куни тўлиқ ишлайди, деб ёзади “ТАСС”.
Ҳунчун чегара ўтиш жойи “COVIDдан олдинги режимда” ишлаган. Маҳаллий вақт билан 12:00 (Тошкент вақти билан 09:00) ҳолатига кўра, 19 нафар россиялик аллақачон Россиядан Хунчун чегарасини кесиб ўтган, деди Черненко.
Приморедаги Хитой билан ўтказиш пунктларида йўловчилар ҳаракати коронавирус пандемияси бошланганда ёпилган эди.
Аввалроқ Хитойнинг UnionPay тўлов тизими Россия банклари томонидан чиқарилган ўз карталари ёрдамида хорижда нақд пул ечиб олишни чеклаган эди, деб хабар беради Приморе банки сайти. Эндиликда ушбу карталар эгалари кунига 50 000 юандан кўп бўлмаган (тахминан 500 000 рубл) ёки ушбу сумманинг бошқа валюталарда эквивалентини ечиб олишлари мумкин бўлади. Шу билан бирга, банклар ушбу чекловлар нақд пулсиз карта операцияларига тааллуқли эмаслигини таъкидладилар.
Аввалроқ ЖССТ бош директори Тедрос Адҳаном Гебреесус Хитой ҳукуматидан мамлакатда COVID-19 туфайли касалхонага ётқизилганлар ва ўлим ҳолатлари ҳақидаги маълумотларни зудлик билан тақдим этишни талаб қилган эди. Унинг айтишича, ташкилот вакиллари Хитойдаги касаллик билан боғлиқ вазиятдан хавотирда ва маҳаллий аҳолини эмлашга чақирган.
