АҚШ ва Канадада 250 миллион аҳоли яшовчи ҳудудлар кучли қор ва совуқдан азият чекмоқда, деб хабар бермоқда ВВC.
АҚШнинг 12 штатида об-ҳаво ҳақида огоҳлантириш эълон қилинди. АҚШ Миллий об-ҳаво хизмати мамлакат мисли кўрилмаган қишни бошдан кечирмоқда, деган хулосага келди. Кучли қор бўрони шимолда Канада чегарасидан жанубда Рио Грандегача бўлган ҳудудни қамраб олди.
АҚШ ва Канададаги ноқулай об-ҳаво туфайли 56 киши ҳалок бўлди.
Айниқса, Нью-Йоркнинг Буффало шаҳрида вазият оғир. Штат губернатори Кети Хоулнинг айтишича, ҳалок бўлганларнинг аксарияти йўл-транспорт ҳодисалари қурбони бўлган. Трафик жуда қийин.
Унинг сўзларига кўра, кўплаб тез ёрдам машиналари жабрланган ҳудудларга ета олмай, қор остида қолиб кетган. Довул қурбонлари Вермонт, Огайо, Миссури, Висконсин, Канзас ва Колорадода ҳам қайд этилган. Жанубий Флорида штатида ҳароратнинг сезиларли даражада пасайишидан ўсимликлар ҳам азият чекмоқда.
