Машҳур Барби қўғирчоқлари ишлаб чиқарувчи “Mattel” компанияси “SpaceX” билан узоқ йиллик келишув тузди. Ҳамкорликдаги илк ўйинчоқ 2023 йили тақдим этилиши кутилаётган бўлиб, улар унчалик катта бўлмаган транспорт воситалари моделларини ишлаб чиқармоқчилар.

Ўйинчоқлар асосан космик йўналишда бўлади. Мақсад – болаларга коинотни ўзлаштиришда ёрдамлашиш. “Mattel” бундай ҳамкорликдан жуда мамнун эканлигини билдирди.

Илон Маск компанияси учун ҳам ўйинчоқлар олами бегона эмас. 2020 йили “Tesla” томонидан “Cybertruck” услубидаги масофавий бошқариладиган ўйинчоқ машина чиқарилган эди.