«Uzbekistan Airways» авиакомпаниясининг Анталья—Тошкент йўналиши бўйича кечиктирилган рейси Ислом Каримов номидаги Тошкент халқаро аэропортида келиб қўнди. Бу ҳақда Telegram’даги «Новости Ташкентского неба» канали хабар берди.
Борт 21 июль куни кечқурун парвоз қилиши керак бўлган HY-3722 чартер рейси техник сабабларга кўра ушланиб қолганди. 23 июль куни тонгда техник носозликлар бартараф этилгач, «Boeing 767-300» экипажи парвозни амалга оширган ва рейс йўловчиларини Тошкентга олиб келган.
